ÇOROVODA Online me Motin
  • COROVODA ONLINE PUBLIKON TË DHËNAT E POPULLSISË DERI NË 1 JANAR 2018
  • NË SKRAPAR BANOJNË GJITHËSEJ 17 476 BANORË
  • NË POLIÇAN BANOJNË GJITHËSEJ 17 271 BANORË

Koordinata X: Çfarë ndodhi pas 5 Shtatorit 1942 në Çorovodë?

Çlirimi i qytetit të Çorovodës, solli ashpërsinë e luftimeve armiqësore me synimin për t'a rimarrë atë. Lajmi ishte përhapur në trasmetuesit radiofonik botëror. Betejat vijuan por pa mundur dot të rimerrej Çorovoda. Kështu pas 5 shtatorit 1942 u numëruan së paku tre operacione të mëdha në zonën e Skraparit ku dëme të mëdha ndodhën në fshatra të afërt të Çorovodës por pa mundur të rimerrej qyteti.  Tre operacionet më të mëdha pas 5 shtatorit 1942 erdhën në 2 raste nga forcat naziste të gjermanëve ndërsa një i tretë u ndërmor nga forcat e Ballit kombëtar. Të gjitha këto operacione, përveç betjave të përgjakshme sollën edhe dëme të tjera në Skrapar. Pas Çlirimit të Çorovodës u sulmuan dhe dogjën së paku 56 fshatra. Brenda numrit të tyre ( si total i 56 fshatrave ) u dogjën 374 shtëpi dhe 233 objekte ekonomike, shkolla etj. Për evidentimin e këtyre dëmeve në analet e historikut lokal të Skraparit citohet se u ngrit një brigadë me specialiste evidentimi dhe ndërtimi.
11 Shtator 1942.
Në 11 shtator 1942, nisi hakmarrja e parë pas Çlirimit të Çorovodës nga pushtuesit fashistë që kërkonin rifitim terreni. Më shumë se 1 500 forca armike u nisën për ripushtimin e Çorovodës me drejtimin Berat – Skrapar dhe Gramsh – Skrapar. Qëllimi ishte rrethimi dhe asgjesimi i forcave partizane në gjithë Zonën e Skraparit. 3 ditë më vonë, në 14 shtator 1942 luftime të përgjakshme në rrugëtimin Gradec – Leshnje pati luftime të ashpra. Pas 24 orë luftimesh në Malin e Leshnjes në 15 shtator 1942 fuqitë fashiste tërhiqen. Çeta Partizane e mbështetur fuqimisht nga populli godet befasisht armikun në Gradec, Malin e Leshnjes, Kurorë, Konak, Dëvri, Gjerbës dhe Kulmak. Armiku pëson disfate totale. Viktima numërohen edhe në radhët e partizanëve. Përtej kësaj, përpjekjet për të pushtuar Skraparin nga fashistët vijuan edhe në kahe të tjera. Në dokumentat e kohës Corovoda Online citon në një shkresë e datës 20 shtator 1942 me numër protokolli 159/33 drejtuar Ministrisë së Punëve të Brendshme ku thuhet:
Tash muarme fonogramin nga Zotni Radovicka si vijon me poshte (.) Pergjigjemi radiogrames dates djeshme (.) Operacjonet ne zonen e Skraparit vazhdojne (.) Spastrimet u ban nga Therepeli ne Corovode, te maja e Kurores, qafa Devrijes, Miloves, Zaloshnje, Gjerbes, e qafa e Prosekut, qafa Karakolli i vjeter, Mali Tomor, Ujanik, Gradec, Gjerbes ne te cilet zona informatoret na kishin sigurue qenien e rebelave (.) Fuqit tona tue kalue neper zonat e siperpermenduna u takuen me pjsa me te medha rebele ne Gradec, Qafa Devrijes, Mali i Mollasit dhe Qafa e Prosekut dhe naten e kalueme te Konaku kan qindrue ne nje distance shume te larget dhe mbasi u qelluan me mitroloza prej reparteve tona, tue perfitue nga distanca e larget erresina dhe nga malet nishen te cduken (.) Informata te mavonshme na siguruan se pjesa te vogla rebele kane marre drejtime per ne zonen e Korces (.) Nje pjese tjeter e madhe rebele jane drejtue per ne rajonin e Quksit dhe ne malet e Lines te zones Zh…nit (.) Reparte te dreguara prej nesh dhe te arritun ne destinacionet e siperme me njoftojne se s’kane takue as nje fuqi rebele (.) Vazhdojne kerkimet dhe spastrimet (.)

-Një Prodhim pjesë e një serie postimesh në kuadër të 74 vjetorit të Çlirimit të Skraparit - vijon
Corovoda Online

Autentik!

Reklama Online

loading...

skrapari në fletë

PËR KONTAKT - EMAIL: corovodaonline@post.com

Mbështetje

Këtu mund të jetë Njoftimi yt

NJOFTIME

skrapari në fletë

Reklama Online

loading...

skrapari në fletë

NAVIGON

www.bashkiaskrapar.gov.al www.albrafting.com www.visitskrapar.com

HAPËSIRË PËR REKLAMA APO NJOFTIMET TUAJA