• COROVODA ONLINE PUBLIKON TË DHËNAT E POPULLSISË DERI NË 1 JANAR 2018
  • NË SKRAPAR BANOJNË GJITHËSEJ 17 476 BANORË
  • NË POLIÇAN BANOJNË GJITHËSEJ 17 271 BANORË

Skrapari i Legjendave - Arusha e Madhe "Tomorricare" - Çfarë kuptimi merrte yjësia nga të moçmit?

Një bujk, i cili e kishte nisur punën qysh me kaposhin e parë, (orët e para të mëngjesit)  po lëronte tokën me parmendë. Toka kishte mjaftueshëm vlagë dhe fshatarit po i ecte puna mirë. Pas disa orësh punë, pllakosi vapa. E shoqja, pasi bëri punët e shtëpisë, përgatiti drekën dhe ia çoi të shoqit bashkë me një katruve ujë. Bujku nuk i çmbrehu Verdhanin dhe Kuqalin, por i la në brazdë dhe shkoi u ul me të shoqen tej tutje nën një hije. Atypari, kalojnë dy hajdutë dhe, duke parë që s’kishte njeri, zgjidhin qetë dhe i marrin me vete. Bujku u kthye, por... kërko qe e qe s’ka. Sakaq vihet në ndjekje të vjedhësve. Pas tij, shkon edhe e shoqja dhe pas saj edhe qeni. Dhe kështu, numri arriti në shtatë:
Çifti i parë i yjeve simbolizon pendën e qeve me zgjedhë në qafë.
Çifti i dytë presupozon dy hajdutët, ylli i pestë nënkupton bujkun që u vihet pas, ylli i gjashtë (në fakt është “yllka”) është e shoqja e bujkut dhe, i shtati, qeni.
Kjo e sipërmja është një nga legjendat që pleqtë e moçëm të zonës së Tomorricës në Skrapar e mbartin ndër vite duke nënkuptuar yjësinë e "Arushës së Madhe".

Duke iu rikthyer legjendës kemi:
1. Hajdutët vodhën qetë.
2. Bujku, në vend që të mendonte edhe për kafshët e punës që i sigurojnë bukën, i la në pisk të vapës, u tregua egoist, mendoi vetëm për vete dhe e paguan duke i kërkuar. Kush s’ka kokë, ka këmbë. (Populli).
3. Gruaja, po kur kuptoi se ç’kishte ngjarë, e humbi dhe ndoqi të shoqin si “delja pas dashit”.
4. Qeni nuk u tregua aspak i kujdesshëm, nuk i ruajti qetë, nuk u lehu vjedhësve.

Siç shihet të gjithë kanë bërë faj, prandaj dhe u ngurosën, u qiellëzuan, u yjëzuan në qiell në mënyrë të tillë që ne t’i shikojmë e të mos bëjmë të njëjtin gabim (në fakt, faj).

** Në Tomorricë / Skrapar., një nga sinonimet e “Arushës së Madhe”, apo ndryshe "Qerres së Madhe", e cila nuk figuron në Fjalorin e Gjuhës Shqipe (Botime të Akademisë), as në fjalorët normativë, as edhe në ata krahinorë, është fjala “ZGJEDHË” pikërisht sepse fshatari nuk ua hoqi zgjedhën qeve kur u çlodh vetë gjatë pushimit të drekës.

Fjalët Arushë e Madhe”, "Qerre e Madhe" vërtet janë fjalë shqipe, por janë kalke gjuhësh të huaja, janë përkthime të fjalëpërfjalshme nga gjuhë të ndryshme të huaja.

Fjala "ZGJEDHË" jo vetëm që është fjalë e brumit amtar (të shqipes), por edhe si nocion është 100 % krijim i veçantë i gjenisë popullore.

Shembull: Shikoni, e dalloni dot Zgjedhën ( = Arushëne Madhe, Qerren e Madhe) në qiell? A duhet futur në fjalor ky nocion nga leksikografët shqiptarë?

Viktor Bakillari / Tiranë - 21.01.2017
Corovoda Online / Me leje publikimi për Corovoda Online nga V.Bakillari

Autentik!

Reklama Online

loading...

skrapari në fletë

PËR KONTAKT - EMAIL: corovodaonline@post.com

Mbështetje

Këtu mund të jetë Njoftimi yt

PERSONALITETI 2018 PËR SKRAPARIN

skrapari në fletë

Reklama Online

loading...

skrapari në fletë

NAVIGON

breakingnews
www.bashkiaskrapar.gov.al www.albrafting.com www.visitskrapar.com

HAPËSIRË PËR REKLAMA APO NJOFTIMET TUAJA