Vjeshta Si Prodhohet Rakia e Skraparit? - Pija tradicionale e Shqipërisë **COPY** -->

Baneri Kryesor Siper

Vjeshta Si Prodhohet Rakia e Skraparit? - Pija tradicionale e Shqipërisë

Fatjon Kaloci
27.9.17
Foto Arkiv - Momenti i bërjes së Rakisë në Skrapar
Vjeshta në Skrapar është e njohur edhe se është sezoni i Rakisë. Skrapari nuk është thjesht i njohur për mikpritjen dhe traditën, por i njohur edhe për prodhimin e kësaj pije. Në fakt rakia e Skraparit nuk është e njohur vetëm në Shqipëri por njihet edhe në Europë apo Amerikë.
Në çdo vend të Shqipërisë, në çdo ceremoni festive kërkohet Raki Skrapari si pija më e mirë alkoolike. Por çfarë e bën Rakinë e Skraparit kaq speciale? Cili është sekreti i kësaj pije?

Prodhimi i rakisë është një traditë e vjetër shekullore në Skrapar që ka ardhur nga brezi në brez.
Rrushi kultivohet dhe mblidhet në lartësitë e pemëve si lisi, dushku etj. Në përgjithësi zona e Skrapari prodhon një raki të fortë me një përmbajtje përqindje alkooli deri në 22%.
Fshatrat më të njohur për prodhimin e rakisë janë Muzhaka, Rogu, Zabërzani dhe Vëndresha por thuajse çdo fshat prodhon raki speciale.
Proçesi.
Sapo vjelim rrushin, frerët shtypen fort dhe mblidhen në fuçi druri, ndonse tani po përdoren edhe fuçi plastike. Rrushi i shtypur, në këtë fazë quhet ndryshe "bërsi" dhe qëndron aty për 25 ditë ose afërsisht 1 muaj kohë për një fermentim të mirë. 
Kur arrin fermentimi i duhur i rrushit kuptohet lehtësisht sepse merr një aromë të fortë karakteristike.  Kur arrihet ky fermentim, "bërsitë" janë gati për të prodhuar Rakinë. Fillimisht "bërsitë" zjejnë brenda një kazani bakër apo aluminizuar. Druri i zjarri që duhet nevojitet të jetë prej lisi pasi jep më shumë nxehtësi gjatë diegies, kjo e fundit e nevojshme për të konvertuar "bërsitë" në avuj alkooli.
Këto avuj më pas kalojnë përmes një tubi të ftohtë nga ku fillon konvertimi i reagimit të kundërt, ndryshe distillimi, që rikthen avujt alkoolik në gjendje të lëngshme.
Në fund të tubit vendoset e lidhur një copë e vogël apo napë që të bëj rrjedhjen e avashtë buzë saj në gotë apo në bidonin e asaj që tashmë do të quhet Raki. 
Më pas pija ruhet në shishe qelqi të vogla pasi shishet plastike mund ti japin një "gram" ndryshe pijes dhe t'a tjetërsojnë shijen me kalimin e muajve.