Ngjarja në Islandë - Dyshohet se një i plagosur është nga Skrapari - Arrestohet një i dyshuar islandez VIDEO

Sipas disa tabloidëve islandez, një ngjarje ndodhi mëngjesin e së dielës 3 dhjetor 2017 në Rejkjavik, Islandë. Lajmi u publikua edhe në edicionet informative të disa kanaleve televiziv dhe ne po i referohemi pasqyrimit që u bë në disa media në shtetin e Islandës bërë në datat 3 dhe 4 dhjetor 2017. Në herët skermi televisiv "2" publikoi edhe një skicë të lëvizjes së autorit të dyshuar gjatë edicionit të lajmeve (video në bashkëngjitje).  Duke ju referuar lajmit Iceland Monitor tha:
" 2 persona mbetën të plagosur pas një grindje me thika rreth orës 05:00  në një shesh të quajtur Austurviller" . Sipas lajmit të këtij tabloidi, të 2 të plagosurit ishin nga Shqipëria. Njëri prej të plagosurëve në raportin e Iceland Monitor të datës 3 dhjetor 2017 citohet se ishte në gjendje kritike. Sipas Policisë Metropolitane të Rejkjavik, është arrestuar një shtetas islandez i dyshuar si autor i ngjarjes. Postimin e shkurtër ky tabloid e mbyll duke shkruar se çështja është nën hetim. Jozyrtarisht burime të Corovoda Online thanë së së paku një prej të plagosurve është me vendlindje nga Skrapari. Në brendësi të lajmit, Corovoda Online i referohet edhe një tjetër tabloidi islandez mbi ngjarjen. Me titullin "Në gjendje të rëndë pas një thike në Austurviller" tabloidi Visir shkruan ndër të tjera:
"Thuhet se konflikti ndodhi përpara statujës Joni Sigurosson rreth orës 5 të mëngjesit. Një prej të plagosurëve është në rrezik për jetën. Ndërsa personi tjetër edhe përse është qëlluar disa herë nuk rrezikon. Të plagosurit janë të dy nga Shqipëria por ai që ka drejtuar thikën është islandez. Sipas Grimur Grimosson që po heton mbi rastin, të rinjtë e konfliktuar janë rreth të 20-ve. Çështja është nën hetimet paraprake dhe po mblidhen të dhëna mbi të dyshuarit. Personi që mendohet si autor i ngjarjes u arrestua në mëngjes në Garober. Të Plagosurit u trasportuan menjëherë në Urgjencë Spitalore me trauma në bark, këmbë dhe shpinë".
Kanali televiziv Ruv mbi ngjarjen shkruan:
"Një person është në gjendje rriziku për jetën në Islandën Lindore. Dy persona u sulmuan dhe një tjetër u plagos. Dy personat janë nga Shqipëria dhe janë rezident në Islandë, tha Grimur Grimsson shefi i policisë në kryeqytet. Sulmuesi ishte një Islandez dhe nuk ka ngjarje kriminale të mëparshme. Ai u arrestua në Garober dhe do të merret në pyetje në fund të ditës. Pas marrjes në pyetje do të merret një vendim për ndalim ndaj tij . Personat ishin rreth të 20-ve. Nuk dihet se çfarë ka detyruar agresorin të qëlloj ndaj 2 personave. Per hetimin policia do përdor edhe të dhënat nga kamerat e survejimit."
Në ngjarjen që ka ndodhur në Rejkjavik, sërisht portali Visir shkruan një ditë më pas 4 dhjetor 2017 ndër të tjera se:
" Policia mori në pyetje të dyshuarin për autor të sulmit, por e pati të vështirë të merrte deklarimin e tij për shkak të gjendjes së ngarkuar mendore. " Po ky portal shkruan se Gjykata e Rejkjavik vendosi paraprakisht qëndrimin në burg ndërsa në 15 dhjetor pritet të dalë sërisht para gjykatës.
Ndjekim më poshtë, një fragment që Corovoda Online kap në rrjet mbi pasqyrimin e lajmit edhe në edicione televiziv.


Corovoda Online