Skrapar - Nga 1 Qershori 2018 Ujësjellësi Skrapar nis me Vendimin e Ri të ERRU / Tarifat

Vendimi mban Numrin 34 dhe do të hyj në fuqi nga 1 qershor 2018. Sipas Corovoda Online një vendim i ERRU ( Entit Rregullator të Ujit ) ka miratuar Tarifat e Shërbimit të Furnizimit me Ujë për sh.a. Ujësjellës Kanalizime Skrapar. Por ky ent konstaton se se kjo Sh.A. ka ende nevojë për subvencione pasi mbulimi i Kostove shkon në 48%. Shtrirja e gjerë gjeografike që ka Skrapari është një arsye në këtë sens. Sipas konstatimeve të ERRU ndërrmarrja duhet të shtrij shërbimet në zonë brenda një periudhe 2 vjeçare. ERRU konstaton se Sh.A. Ujësjellës Kanalizime Skrapar ka nevojë për investime emergjente afatmesme pasi rrjeti është shumë i amortizuar dhe disa asete kanë dalë jashtë përdorimit. Sipas ERRU Ujësjellës Skrapar ka vendosur matsa në subjekt jofamiljar brenda periudhës 4 muajore Janar - Prill 2018, dhe pritet të instaloj matësat për abonentët familjarë fillimisht në zonën Urbane e më pas drejt atyre rajonale.  Për vitin 2017 Sh.A. Ujësjellës ka mundur të akumuloj 5.7 milion lekë nga Debitë e mbartura ndër vite. Për vitin 2018 pritet që orari i furnizimit ditor me ujë të pijshëm të shkoj në rreth 10 orë furnizim në ditë.
1. Miratimin e tarifave për shoqërinë Ujësjellës-Kanalizime Skrapar sh.a., si më poshtë:

Kategoria	Tarifat Volumetrike	Tarifa Fikse Shërbimi
Për zonën Urbane (Me dhe Pa Matësa)
a) Shërbimi i Furnizimit me ujë)	lekë/m3	lekë/muaj/klientë
Konsumator Familjar	35	100
Konsumator Publik	100	100
Konsumator Privat	110	100
b) Për shërbimin e Kanalizimeve
Konsumator Familjar	10	0
Konsumator Publik	10	0
Konsumator Privat	10	0
c) Për zonën rurale pa matës		lekë/muaj/klientë
Konsumator familjar	0	300
Konsumator me burime dytësore	0	125

2. Objektivat e treguesve kryesorë të performancës për vitin 2018, të jenë si më poshtë:

Treguesit	Viti 2017	Objektivat 2018
Mbulimi me Ujë	93%	96%
Mbulimi me Kanalizime	39%	41%
Niveli i Matjes	6%	20%
Uji pa të Ardhura	44%	44%
Norma e Arkëtimit	82%	84.7%
Orët e Furnizimit	7.5 orë	10 orë
Staf / 1000 lidhje uji	10 punonjës	9.75 punonjës

Sipas ERRU pagesa rregullatore vjetore për shoqërinë Ujësjellës Skrapar sh.a. do të jetë 0.6% e të ardhurave vjetore të parashikuara nga aktiviteti. Ky vendim hyn në fuqi më 1.6.2018 dhe është i vlefshëm deri në miratimin e tarifave të reja.
©Corovoda Online