• COROVODA ONLINE PUBLIKON TË DHËNAT E POPULLSISË DERI NË 1 JANAR 2019
  • NË SKRAPAR BANOJNË GJITHËSEJ 17 343 BANORË
  • NË POLIÇAN BANOJNË GJITHËSEJ 17 174 BANORË

75 Vjet nga Rënia e Heroit "Ramiz Aranitasi"

I edukuar në gjirin e familjes së tij me ndjenja të thella atdhetare biri i Aranitasit dhe Mallakastrës trime. Ramizi do të piqej dhe do të bëhej i vetëdijshëm që të luftonte jo vetëm padrejtësitë ekonomike e sociale, por mbi të gjitha të urrente pushtuesit fashist dhe tradhëtarët e vendit e të ndjente thellë detyrën e shenjtë për t’u rreshtuar si luftëtar, qoftë edhe me sakrificën më sublime në fushën e armatosur të popullit shqiptar për çlirimin e vendit.
Partizani Ramiz Aranitasi u shqua si një njeri i aksionit dhe i propogandës, zot i pushkës dhe i gojës. Ramizi ngriti në këmbë tërë nxënësit në demostrata e protesta sa që Ministria e Arsimit dhe Drejtoria e Shkollës u detyruan t’i ndërprisnin disa herë mësimet. Veprimtaria e Ramizit dhe e shokëve të tijë bëri që shkolla Teknike të bëhej një qëndër e fuqishme rezistence antifashiste duke dalë plotësisht nga kontrolli dhe mbarvajtja nga ana e administratës shtetrore.
Është kjo veprimtari antifashiste që e bëri ministrinë e Arsimit të mbyllte shkollën dhe nxënësit të shpërnguleshin në shkollën bujqësore Kavajë. Për vitin shkollor 1940-1941 Ramiz Aranitasi gjendet në Korçë, pikërisht këtu në ecurinë e një prove të re, ai u lidh me Grupin Komunis të Korçës. Në 8 Nëntor 1941 komunistët shqiptarë themeluan PKSH me Enver Hoxhën në krye. Për të festuar ditën e themelimit të PKSH, komunistët e Korçës organizuan demostratën e parë antifashiste. Demostruesit u përballën me forcat e xhandarmërisë e të milicisë fashiste që vunë në veprim edhe armët e zjarrit. Në këtë demostratë mbeti i vrarë Koci Bako, komunisti i parë shqiptar që ra dëshmor në përleshje me forcat fashiste. Pas shpërndarjes së demonstratës, filluan menjëherë arrestimet. Në burg u futën komunistë e patriot gjithsej 32 vetë. Një prej tyre ishte dhe Ramiz Aranitasi, i cili edhe në burg ishte një nga të parët që organizonte protesta ndaj personelit të burgut. Së fundi u organizua për t’u arratisur nga burgu dhe me ndihmën e ish gardianëve Asllan Osoja dhe Rrapo Kuka u bë e mundur të largohen nga burgu dhe qysh nga ky moment për Ramizin filloi një epokë e re e luftës, drejtë maleve të Skraparit. Në çetën plakë të Skraparit dhe më pas në çetën e dytë, Ramizi mori përsipër dhe përballoi me sukses tërë aksionet e goditjet që u organizuan ndaj objekteve të fashizmit. Çeta partizane e komanduar nga Ramiz Aranitasi u bë e njohur jo vetëm në Skrapar, por ajo e shtriu veprimtarinë e saj edhe në disa rrethe të vendit, si në Berat, Përmet, Dangëlli, Kolonjë, Mallakastër, Roskovec, Sulovë, Gramsh.
Si bashkëluftëtar i Ramizit mund të them se është një nga ato çeta partizane që ka kryer mjaft aksione dhe me një bilanc të pasur në veprimtarinë e saj politike e luftarake. Mjafton të përmendim se nga çeta partizane e komanduar nga Ramiz Aranitasii janë goditur dhjetë postë-komanda të xhandarmërisë e të milicisë fashiste në Frashër, Dangëlli, Barmash (Kolonjë), Vërtop, Rehovë, Molisht(Berat), Çepan, Potom, Therepel etj. Në muajin nëntor të vitit 1942 me rastin e 30 vjetorit të shpalljes së pavarësisë, u godit garnizoni fashist italian në Përmet, ku u vranë 32 vetë.
Në shkurt 1943 në fshatin Roshnike të Beratit u zhvillua konferenca e Partisë e qarkut të Beratit në të cilën mer pjesë midis 20 delegatëve dhe komisar Ramiz Aranitasi.
Konferenca e Partisë Qarkut, duke vlerësuar lart veprimtarinë e tij të gjithanëshme atë dhe dy shokët Gjin Marku dhe Kahreman Ylli i zgjodhën delegat për në Konferencën e parë të vendit të PKSH që zhvilloi punimet në Labinot të Elbasanit. Në Konferencën e parë të vendit e mori fjalën edhe Ramizi, i cili diskutoj për problemet aktuale të kohës, por duke u përqëndruar rreth situatës politike në qark dhe të kryerjes së aksioneve të çetës partizane duke dhënë një informacion të rëndësishëm e të hollësishëm me maturi dhe pjekuri. Ramizi rezultoi një delegat që tërhoqi vëmëndje të pasaçme.
Ai dha me fakte dhe shëmbuj përvoje nga rrethet Berat, Skrapar, Mallakastër etj. për mobilizimin e popullit në front e në luftë për pregatitje shpërthimin e kryengritjes së përgjithëshme të armatosura. Ai ndihmoi mjaft Konferencën. Kjo ishte dhe arsyeja që u duartrokit dhe u përgëzua nxehtësisht në fund të diskutimit plot optimizëm.
Bilbili i Mallakastrës u kthye në Skrapar dhe Mallakastër për të zbatuar në krye të çetës partizane vendimet për triumfin e LANÇ.
Kahreman Ylli kujton: “Ramiz Aranitasin lufta po e rriste çdo ditë. Këtë trim, lindur e ritur enkas për atë e këtë kohë na u vrau dora e tradhëtarit Ali Turbohova.. kjo u bë më 22 qershor 1943 në një kohë kur Ramizi po zbriste nga mali për në fshatin Leshnje, për të marrë detyrën e re atë të komisarit të batalionit “Riza Cerova”.
Kanë kaluar 75 vite nga vrasja e Ramiz Aranitasit. Vite dhe shekuj do të rrjedhin, por brezat do ta nderojnë këtë figurë të shquar e do ta kujtojnë me krenari jetën dhe luftën që ky Hero i Popullit dha jeten ne lulen e rinisë për çlirimin e Atdheut.
© Corovoda Online / Orhan Frashëri

Autentik!

Reklama Online

loading...

skrapari në fletë

PËR KONTAKT - EMAIL: corovodaonline@post.com

Mbështetje

Këtu mund të jetë Njoftimi yt

DIMRI QË LAM PAS

skrapari në fletë

Reklama Online

loading...

skrapari në fletë

NAVIGON

breakingnews
www.bashkiaskrapar.gov.al www.albrafting.com www.visitskrapar.com

HAPËSIRË PËR REKLAMA APO NJOFTIMET TUAJA