Më herët, gjatë kësaj jave Gazsjellësi Trans Adriatik (TAP) dhe kontraktori i tij
Spiecapag i dhuruan repartit të urgjencës në Spitalin e Skrapar disa
pajisje mjekësore. Në versionin zyrtar të faqes së TAP u publikua më herët lajmi. Nëpërmjet këtyre pajisjeve mjekësore të reja, mjekët e
këtij spitali mund t’i ofrojnë banorëve të Skraparit një shërbim më
cilësor.
Si TAP ashtu edhe Spiecapag i janë mirënjohës stafit të Spitalit të Skraparit për ndihën e ofruar gjatë ndërtimit të gazsjellësit dhe janë
të ndërgjegjshëm për nevojat materiale që ka ky spital për përmirësimin e
shërbimit.
TAP dhe Spiecapag vendosën bashkërisht që të ndihmojnë ekipin e
urgjencës së këtij spitali, të cilët përballen me rastet më të vështira
të urgjencave mjekësore, qofshin sëmundje apo aksidente. Ndërhyrja e
mjekëve të urgjencës është shumë e rëndësishme pasi mund të shmangë
përkeqësimet e gjendjes së pacientëve të paraqitur. Spitali i Skraparit i
vjen në ndihmë më shumë se 19’000 banorë të zonës së Skraparit.
Lista e pajisjeve mjekësore që i janë dhuruar Spitalit të Skraparit:
elektrokardiogram, karrige me rrota, set për ndërhyrje kirurgjikale,
aspirator, mbajtëse për kokën dhe kurrizin, barela, suport për krahët
dhe këmbët, matës pulsi, aparat për matjen e presionin e gjakut, aparat
për matjen e diabetit, defibrilator, mbajtëse qafe, etj.
©Corovoda Online / Imazhet TAP
Komentar
