• COROVODA ONLINE PUBLIKON TË DHËNAT E POPULLSISË DERI NË 1 JANAR 2019
  • NË SKRAPAR BANOJNË GJITHËSEJ 17 343 BANORË
  • NË POLIÇAN BANOJNË GJITHËSEJ 17 174 BANORË

Botimi i ngjet enciklopedisë së mirëfilltë: Del në qarkullim libri "Krahina e Tomorricës" me autorë Elmas dhe Arben Guga

Një udhëtim i kahershëm në kohëra për Tomorricën e detajeve mes viteve dhe shekujve doli më së fundmi në treg. I quajtur "Krahina e Tomorricës", voluminoz dhe me përgatitje mjeshtërore libri më i ri nga Elmas Guga dhe dr.Arben Guga vjen si pasuri e madhe për Skraparin por jo vetëm, edhe për qindra studiues të cilët brenda fletëve do të udhëtojnë mes qindra vitesh. Më në fund një botim i plotë e dinjitoz që ka përmasat e nje enciklopedie. Shumë vite punë studimore, e bukur dhe pasionante e dy intelektualeve Elmas e Arben Guga (atë e bir).

Krahina që "fshin" kufijtë mes Skraparit e Gramshit, "bijëza" që qëndron nën Malin Baba, Tomorrin hyjnor nis të flasë përmes një libri të plotë që vjen në dy vëllime. Lashtësia, mbijetesa, vazhdimesia e jetës vjen përmes dokumentacionit arkeologjik, toponimisë, hulumtimit të pasurisë arkivore, që hedhin dritë mbi këtë zonë të thellë, të ashpër por mjaft interesante.

Vjen e plotë historia me periudhat e saj që nga paganizmi deri ditët tona. Në veçanti Mesjeta, sundimi i Muzakajve, roli i kryeqendrës së Tomorricës Grëmshit vendi i origjinës së frashërllinjve të famshëm, raportet e "parisë" së kohës me Portën e Lartë, por edhe me Skenderbeun janë më të plota.

Rregjistrimi i popullsisë i vitit 1431-32, fshatrat që përbënin zonën asokohe, rezistenca e kryengritjet e mëdha, ndihmesa e roli i tomorricarëve gjatë Rilindjes e Shpalljen e Pavarësisë vijnë përmes dokumentave arkivore e kujtimeve. Padyshim roli, lufta, përpjekjet e popullsisë së kësaj zone në historinë moderne që nga Pavarësia e deri në Çlirimin e vendit vjen më e plotë.

Censusi i vitit 1923 dhe 1927 sjell statitistika, por edhe një interpretim me interes si për popullsinë, numrin e familjeve e kryefamiljarëve. Në vendin e duhur jane vënë kapedanet e kësaj zone që bënë histori që nga dinastia e Dostëve në Zaloshnje (Mahmut, Servet, Hysen Zaloshnja), burrat e lavidshëm si Mestan Ujaniku dhe i familjes dhe i Çetës Plakë të Skraparit.

Në faqet e librit janë edhe Xhile Lici, Zenel Braci e dhjetra të tjerë. Qëndrim objektiv për shumë figura nacionaliste si Abaz Ermenji e të tjerë. Interpretim realist i asaj qe ndodhi me disa nga këto figura dhe me zonën në tërësi gjatë luftës së klasave. E plotë vjen epopeja e luftes Nacional-Clirimtare, ndihmesa e familjeve të mëdha e djemve që u rreshtuan në brigadat e luftëtarëve të lirisë, e bazave të luftës.

Në të do të gjeni edhe raportet e atyre që "u ndjenë" tomorricarë që nga Eqrem bej Vlora e Fan Noli deri tek Kahreman Ylli e Gjin Marku. Partizanët, dëshmoret, nacionalistët me ndihmesën e tyre ne luftën për liri janë në faqet e librit. Në kapituj të tjerë gjen organizimin e pushtetit të këshillave që gjatë luftës në çdo fshat e më pas deri në vitet'90, historinë e reformës agrare dhe koperativizmin.

Zhvillimet e bujqësisë, kooperativat, kuadrot e specialistët e tyre, arritjet e dështimet. E plotë vjen historia e zhvillimit të arsimit në Tomorricë. Përpjekjet dhe shkollat e para, roli i institucioneve të besimit bektashian në zhvillimn e tij, mësuesit e parë të zonës, historia e dhjetra mësuesve nga rrethe të tjera të vendit që kontribuan në Tomorricë.

Në libër gjen edhe zhvillimin e shëndetësisë në zonë, infermierët e mjekët e parë. E ndritur vjen edhe pjesa e elites akademike tomorricare. Profesorë, doktorë shkencash, punonjës shkencorë e plotësojnë dhe e bëjnë të vlerësuar Tomorricën tonë, aq te paragjykuar nga "qendrat".

Veç gjeografisë, pasurisë së florës e faunës, pasurive hidrike dhe bukurisë e resurseve për turizmin në libër kapituj me interes janë edhe pasuria entografike e kulturore në Tomorricë. Kënga që nxori korifeun e polifonisë Demir Zykon, artistët e sportistët me origjinë nga Tomorrica kanë një kapitull me vete.

Në faqet e librit doket, zakonet e traditat e kësaj krahine, virtytet me të mira si mikpritja e bujaria, trimëria e besa, krenaria e dashuria për vendlindjen. Vlerat e një krahine në një libër.

Ka informacion e analizë, të vërteta që thuhen për herë të parë e në mënyrë shteruese. Të tjera e të tjera që do t'i zbulojë lexuesi...
Urime Elmaz e Arben Gugës për shërbimin që i bëtë vendlindjes suaj, njerëzve të rrallë të asaj zone, brezave që do të vijnë!
© Corovoda Online / Hajri Nuhu

Autentik!

Reklama Online

loading...

skrapari në fletë

PËR KONTAKT - EMAIL: corovodaonline@post.com

Mbështetje

Këtu mund të jetë Njoftimi yt

PERSONALITETI 2018 PËR SKRAPARIN

skrapari në fletë

Reklama Online

loading...

skrapari në fletë

NAVIGON

breakingnews
www.bashkiaskrapar.gov.al www.albrafting.com www.visitskrapar.com

HAPËSIRË PËR REKLAMA APO NJOFTIMET TUAJA