Çorovoda - 75 vjet Çlirim - Pas Çlirimit nis "gjuetia për kulakët" në Skrapar DOKUMENT

Në këto 75 Vite Çlirim, për kryeqëndrën e Skraparit, Çorovodën zhvillimet nga një sistem në tjetrin kanë lënë padyshim gjurmë, por disa prej tyre nuk mund të harrohen. Rregjimi i pas çlirimit pati një reagiv çnjerëzor ndaj shumë personave duke i diskriminuar dhe lënë nën një paragjykim më shumë se gjysëm shekullor ndaj njerëzve të afërt, që kishin lidhje me "mendimtarët" kundër rregjimit komunist. Në një dokument autentik postoj më poshtë një fragment të një dokumenti ku listohen më shumë se 184 emra të banorëve të Skraparit nën cilësimin "Pa Kartë Fronti" apo në zhargon Kulakë. Ndalem në këtë fragment, në 3 emra që janë para-ardhës të poetit të njohur Visar Zhiti.
Por çfarë thuhet në dokument, i datuar në 1953 për 3 emra ( nga lista e gjatë) ndalemi tek Mbiemri Zhiti, Jemi në Mëlovë, Skrapar.

1. Hasan Zhiti - Mëlovë
Ky gjatë luftës Nacional Çlirimitare ka qënë kuadër. Mbas çlirimit ky ska qëndruar mirë. I është vrarë i biri nga pushteti popullor si armik. Nipi i tij sot ndodhet në Burg si Armik i Popullit

2. Qinam Zhiti
Ky është prej familjes së Hasan Zhitit që u dha motivacioni më sipër dhe gjithë familja është cilësuar Kulak

3. Hatixhe Zhiti
Kjo është e shoqja e Maksut Zhitit i cili është vrarë nga pushteti si armik i popullit tonë dhe gjatë luftës s'ka qëndruar mirë; në rrethin familjar e miqësor i ka pas me ballin
Corovoda Online / Fatjon Kaloçi