Presidenti Topi dekoron me Urdherin "Mjeshter i madh" volejbollistet Ela Tase dhe Shaban Uka -->

Kategoria e gjetur

Iklan Semua Halaman

Presidenti Topi dekoron me Urdherin "Mjeshter i madh" volejbollistet Ela Tase dhe Shaban Uka

Fatjon Kaloci
27.10.11
27-10-2011 Ne faqen zyrtare te Presidentit te Shqiperise, prof.dr.Bamir Topi ka dekoruar me titullin "Mjeshter i Madh" 2 emra te medhenj te volejbollit shqipetar nder Vite. Per vite e vite 2 volejbollistet e ekipit te Dinamos u bene ikona te sportit te Volejbollit qe perfaqesonte denjesisht Shqiperine ne Kompeticione vendase dhe nderkombetare. Ne faqen zyrtare nder te tjera shkruhet:

Presidenti i Republikës, Prof. Dr. Bamir Topi nderoi sot me Urdhrin “Mjeshtër i Madh” dy emra të shquar të volejbollit shqiptar ndër vite, Ela Tase dhe Shaban Uka, lojtarë, të cilët me lojën e tyre tek ekipi i Dinamos, e veçanërisht me përfaqësimin dinjitoz në ndeshjet ndërkombëtare, ngritën peshë zemrat e sportdashësve shqiptarë.

Në ceremoninë e dekorimit të organizuar me këtë rast në mjediset e Presidencës, ishin të pranishëm drejtues të Federatës Shqiptare të volejbollit, personalitete të shquara të sportit shqiptar, trajnerë, volejbollistë, miq, familjarë dhe kolegë të sportistëve të dekoruar. Pas leximit të dekreteve presidenciale nga Sekretari i Përgjithshëm, Aleksandër Flloko, në një atmosferë solemne, Presidenti Topi i dorëzoi medaljen e lartë zonjës Ela Tase dhe zotit Shaban Uka në shenjë vlerësimi dhe respekti të thellë për vlerat e paraqitura në sportin e volejbollit, si lojtarë, trajnerë dhe specialistë të mirënjohur e me kontribute të jashtëzakonshme.

Në fjalët e tyre përshëndetëse, volejbollistët e dekoruar shprehën mirënjohjen për vlerësimin e marrë nga ana e Presidentit të Republikës duke vënë në dukje se: “Ndihen shumë të emocionuar, të lumtur e të nderuar për këtë vlerësim!” duke falenderuar njëkohësisht edhe familjet e tyre, bashkësinë sportive dhe sidomos sportdashësit për mbështetjen e dhënë gjatë karrierave të tyre të gjata e të shquara.

Corovoda On Line