Përfaqësues të Bashkisë Bagcilar në një takim me Autoritetin vendor të Bashkisë Skrapar **COPY** -->

Baneri Kryesor Siper

Përfaqësues të Bashkisë Bagcilar në një takim me Autoritetin vendor të Bashkisë Skrapar

Fatjon Kaloci
1.2.16
Një takim në nivele të larta lokale u organizua më herët paraditen e kësaj të hëne 1 shkurt 2016 në Çorovodë ku të ftuar të veçantë ishin miqtë nga Turqia. Takimi u mbajt pak pas orës 10:00 të paradites së sotme në mjediset e Bashkisë Skrapar. Dy drejtuesit Nesim Spahiu për Bashkinë Skrapar dhe Lokman Çagirici për Bagcilar patën komunikime të ngrohta këto dhe në kuadër të një bashkëpunimi të frutshëm në të ardhemen mes dy vendeve tona. Në takimin e zhvilluar sot ishin të pranishëm edhe Nasip Naço, Fidel Ylli, prefekti i Qarkut Berat Fadil Nasufi pjesëtarë të tjerë të delegacionit të vendit mik si dhe anëtarë të këshillit bashkiak. Përtej kornizës zyrtare të lajmit le të shohim pak disa njohuri mbi Bashkinë Bagcilar dhe njihemi me disa të dhëna rreth saj. Bagcilar është qyteti i dytë më i madh i Stambollit, në Turqi. Ka një popullsi prej afro 724 000 banorë. Kryetari aktual i Bashkisë Bagcilar vjen nga radhët e Partisë AKP e quajtur ndryshe Partia për Zhvillim dhe Drejtësi e themeluar në vitin 2001 nga Recep Tayyip Erdogan, sot presidenti i Turqisë. Qyteti ndodhet në pjesën europiane të Stambollit dhe drejtohet nga Lokman Çagirici. Vitikultura është ajo që e bën të njohur këtë qytet që ndryshe në Turqi është konsideruar edhe si Yesilbag "Vreshtat e gjelbërta". Në këtë qytet i njohur është ai që quhet ndryshe Bağcılar Olimpik Spor Salonu Një kompleks Lojërash sportive olimpike. Vlen për tu përmendur fakti se në Bagcilar ndodhen edhe selitë më kryesore të shtypit të shkruar Gazetave dhe Televizioneve më të mëdhaja në Turqi. Qyteti Bagcilar ngrihet në lartësinë 105 metra mbi nivelin e detit.
© Corovoda Online