Nëse mendoni se Skrapari është i vogël gaboheni. Ndër vite protagonistë të ndryshëm me dashje apo padashje kanë treguar fije gjeneze që i lidhin ngushtë në historikun e tyre familjar me Skraparin. Corovoda Online me burimet e saj gjen edhe një detaj të veçantë për krenarinë e Skraparit të vogël e të madh njëherësh. U nisëm së hulumtuari mbi lojtarët që na përfaqësuan denjësisht në kompeticionin më të lartë Europianin e Futbollit, Euro 2016, që sot këtë të dielë 10 korrik 2016 finalizohet. Dy ditë më parë ai kishte ditëlindjen mbushi 23 vjeç. Në kërkimet tona lojtari me numrin 20 Ergys Kaçe, ka në vena edhe gjak Skrapari. Kjo nga ana e së ëmës. (Nga këtu nuk publikohen emra por vetëm iniciale) E ëma e Ergys Kaçes quhet M. Babai i M dhe njëherësh gjyshi i futbollistit Ergys Kaçe (nga ana e së ëmës) rezulton të ketë qënë nga fshati Radësh, Skrapar. Ai besohet se ka qënë një nga bejlerët e fshatit Radësh së para 1945. Gjatë kryerjes së shërbimit ushtarak (pas 1945) ai u njoh me gruan e jetës së, një vajzë nga Dibra me të cilën pati 2 vajza. Por më pas ai u arrestua dhe u dënua me burgim. Bashkëshortja e tij e mbetur vetëm me 2 vajzat shkojnë të vetme për të jetuar në Korçe. Njëra nga vajzat M, pasi u martua lindi edhe Ergys Kaçen dhe motrën e tij.
Bota e madhe, befas bëhet shumë e vogël
. Gjithësesi pavarësisht se lojtari i njohur i kombëtares ka lindur dhe rritur në Korçë, mes tij ka edhe pak Skrapar në të.
![](https://blogger.googleusercontent.com/img/b/R29vZ2xl/AVvXsEhk2Nwqtwgpyc7EeQUq4aBVUae8cfImyG1hjkURW-uBB_xPRbrqCFwWJ9N7WxmcCwbZij2dL1hYEj6Kb5_LWcu4onvL7HGQvwwcjHVhwkoKviRJVR7FB4W-LfHLGgLxG8EmEwc6rOzwdSEJ//" width="10" height="10")
Corovoda Online
Komentar