Një çifteli në duart e një mjeshtri skraparas. Mësuesi nga Cerrica e Skraparit luan me çifteli **COPY** -->

Baneri Kryesor Siper

Një çifteli në duart e një mjeshtri skraparas. Mësuesi nga Cerrica e Skraparit luan me çifteli

Fatjon Kaloci
20.4.20
Një shkrim nga Viktor Bakillari

Kurrë nuk keni dëgjuar një interpretim të tillë me vegël muzikore popullore veriore, interpretuar nga një jugor. Vegla muzikore kordofone gege çifteli, në duart e virtuozit tosk Fahri Breshani, mësues nga Çerrica / Tomorricë – Skrapar, nxjerr tinguj të magjishëm të padëgjuar më parë.
E kisha dëgjuar me veshët e mi, qysh në “Kohën e Largët të Zborit”, qysh në vitin 1985 (e mbaj mend mirë!), zborin që i bënte mjeshtri violinës së vet (diçka e rrallë në Tomorricën e asaj kohe), kur vinte nga Çerrica e luante me të në vatrën e kulturës në Grevë, sidomos gjatë pushimeve verore korrik-gusht të neve nxënësve, në mbrëmjet argëtuese të rinisë së fshatrave Grevë-Kovaçanjë-Postenë.
Gjallëronte rinia në atë kohë! Le të dalë qoftë edhe një që ta mohojë!
Ditën, qysh pa gdhirë, krejt rinia e Grevë- Postenë -Kovaçanjës korr e shi, në mbrëmje, gjer në mesnatë, vu! këngë e valle, në vatrën e kulturës dhe lodhje s’ndjente njeri. Sa çudi! Kjo ndodhte në çdo fshat të madh të Tomorricës nga vitet 1960 – 1990. Unë mbaj mend vitet 1980-1990. Më para isha i vogël, më pas, vajmedet, shkrehje e përgjithshme dhe shpopullim i Tomorricës dhe i Skraparit...
Por sot, po befasohem me lojën që bën mjeshtri me një nga veglat simbol të Shqipërisë Veriore, të Gegërisë, me çiftelinë.
Po, t’i lëmë fjalët e komentet e tepërta.
Ndiqeni vetë!
Binduni vetë!
Faleminderit Fahri!