BREAKING NEWS

The life of a child soldier in Congo

25 shkurt 1927 - Ndërron jetë Kleriku Bektashi dhe Patrioti Meleq Staravecka (Shëmbërdhenji)

Posted on Sunday, February 25, 2018 and filed under , , , , , , . You can follow any responses to this entry through theRSS 2.0 . You can leave a response or trackback to this entry from your site

Baba Meleq Shëmbërdhenji, i njohur ndryshe edhe si Meleq Staravecka lindi në Skrapar, një krahinë në Jug të Shqipërisë mes së cilit mori edukimin e parë. Edukimi i tij më pas vazhdoi në teqenë Bektashi në Kajro ku mori edhe titullin Dervish. Pas studimeve ai u rikthye në Shqipëri ku ju bashkua lëvizjes patriotike me një rol kryesor që mes ilegalitetit të shpërndante kryesisht dijen dhe libra. Më pas merr titullin Baba, në shërbimet që bënte në teqenë me të njëjtin emër ajo e Shëmberdhenjit deri në 1914 ku fatkeqësisht teqeja do të shkatërrohej. Por përpara se të shkonte në Teqenë e Shëmbërdhenjit, Meleq Staravecka u diktua në përpjekjet që bënte në Turqi për këndimin shqip e më pas u arrestua për afro 6 muaj. Me daljen nga burgu dhe rikthimin në Staraveckë të Skraparit takohet me Baba Fetahun e Backës dhe siç thuhet ishte ky i fundit që e drejtoi për shërbesë në Teqenë e Shëmbërdhenjit. Ai ishte njëherësh autor i shumë krijimeve me karakter nacionalist por edhe fetar, që u mblodhën në një vëllim unikal të rreth viteve 1920's. Ai konsiderohet si Poeti më i mirë bektashi i atyre në Shqipëri. Ai ishte gjithashtu shok dhe admirues i Naim Frashërit, të cilin e quante " Zemra e Shqipërisë, Gurra e Urtësisë, Pishtar i Vegjëlisë, Shenjtor i Njerëzisë".  Ai ndërroi jetë 25 shkurt 1927 në moshën 85 vjeçare. Në Çorovodë, Qëndra Kulturore e Rrethit mban emrin e tij "Meleq Staravecka"
© Corovoda Online / Fatjon Kaloçi

0 Responses for “ 25 shkurt 1927 - Ndërron jetë Kleriku Bektashi dhe Patrioti Meleq Staravecka (Shëmbërdhenji)”

Leave a Reply

Recently Commented

Recent Entries

Photo Gallery

Footer Social